Helgi Hrafn Guðmundsson og Guðjón Arnar Kristjánsson sóttu nýlega heim vistmenn á dvalarheimilinu á Akranesi. Þeir félagar ákváðu að slá upp heljarinnar grillveislu fyrir eldri borgara og ellilífeyrisþega, auk þess sem innflytjendamál - útlendingamál, voru rædd. Ekki þarf að taka fram að enginn lá á skoðun sinni, sama hver hún var.

Flugbjörgunarsveit skáta sá um mateldina og suðu saman grill af gamla skólanum - nefnilega samsett úr hjólbörum og nokkrum kolum. Þess er að skemmst að minnast að lambaskankarnir fengu það óþvegið á grillinu.

Á meðan snarkaði í grillinu og menn skeggræddu, þá birtist skyndilega Jóhannes Kristjánsson eftirherma og sýndi skemmtilega takta.

Grillveisla á Bessastöðum

Herra Ólafur Ragnar Grímsson og Dorrit Moussaieff slógu upp grillveislu á Bessastöðum á dögunum. Margir þekktir gestir sýndu sig og sáu aðra á meðan Goðapylsurnar voru við það að springa á glóðheitu grillinu og Löwenbraubjórinn rann ljúflega ofan í lýðinn. Gulli Helga sá um að allt færi vel fram á Char Broil gasgrillinu og strákarnir í Sóldögg elduðu sumartóna í eyru gestanna.

Hér fyrir ofan má sjá forsetahjónin ásamt Jiang Zemin forseta Kína og Jóhanni Alfreð Kristinssyni forsetafrú Kína.